Os tres mellores no ranking da Despensa

O vindeiro lúns día 1 de abril cumprimos 7 meses compartindo contidos con vós grazas a creación deste pequeno recuncho ó que bautizamos (en WordPress jeje) co nome de A Despensa, e para celebralo, hoxe deixámosvos un resumo dos tres artigos máis vistos dende o 1 de setembro do ano pasado, día no que comezamos a publicar cousiñas por aquí! Pois o dito, aí vai o noso ranking, composto por 3 artigos, os cales xuntos suman o 16,5% das visitas totais do noso blog:

Entrevista máis Senlleira1º. Non deixes de ver a Senlleira entrevista de Os da Ría na Revista da Tvg, do día 16 de xaneiro foi o artigo máis lido cun 7,2% das visitas. Nel publicabamos unha entrevista no programa A Revista, guiado por Lorena Pose, ós nosos amigos de Os da Ría. Unha entrevista moi trangalleira e que deu moito que falar, á vista está vendo o interese que lle prestastedes á publicación da mesma neste mesmo lugar.

 

felicitacion senlleira nadal2º. A felicitación máis Senlleira do Nadal, do día 21 de decembro atópase na segunda praza deste ranking cun 5,2% de visitas. De novo un video e de novo Os da Ría, pero desta volta grabando aquí mesmo na adega unha felicitación de nadal moi orixinal e como non, harmonizada coa súa sensacional música.

 

 

pack senlleiro3º. Participa no Gran Sorteo do pack máis Senlleiro deste Nadal!, duns días despois do anterior, do 28 de decembro (e non era ningunha broma eh!) e co 4,1% das visitas totais do blog a día de hoxe. Nel sorteabamos un pack “composto de tres botellas (non unha, nin dúas… tres!) do viño branco máis Senlleiro super edición especial e do grandísimo e inigüalable Disco Díscolo de Os da Ría.” Foi todo un éxito e tivemos de gañadora do mesmo a unha gran amiga nosa veciña da comarca do Carballiño.

Visitadeas de novo aproveitando estes días de lecer! e antes de nada, un millón de grazas por acompañarnos, por lernos e por seguirnos semanalmente, sen vós todo isto non tería sentido 😉

E para a semana santa, unhas “torradas de leite”.

Esta sobremesa tradicional elabórase dende o século XV para aproveitar o pan duro que se deixaba amolecer no leite para poder aproveitalo. Era un doce humilde, que pola súa consistencia axudaba a encher o bandullo e evitar así a tentación de consumir carne en coresma. Podíanse elaborar de moitas maneiras, con viño, con mel, mesmo con auga se chegaban a enchoupar se a economía familiar andaba moi xusta.

Aquí presentámosvolas da maneira máis coñecida en todos os fogares, con leite, ovo, azúcre e canela.

TORRADAS DE LEITE

Ingredientes: Pan duro, leite, ovos, azúcre, canela en rama e en pó, e aceite de oliva.

O pase de diapositivas require JavaScript.

Preparación:
Cortamos o pan en rebandas grosas de dous ou tres centímetros, metémolo nun cacharro fondo e cubrímolo co leite para que amolezan ben. Un truco para que quede máis saborosas é cocer o leite cunha ramiña de canela e unha cullerada de azúcre, e unha vez frío enchoupamos ben o pan.
Batemos os ovos e vamos pasando as rebandas empapadas de leite. Ó mesmo tempo vertemos o aceite de oliva nunha tixola e pómola ó lume. Cando o aceite estea ben quente comezamos a fritir as rebandas ata que queden douradiñas.
Apartámolas a un prato ou unha bandexa sobre papel absorvente para evitar o exceso de aceite.
Por último engadímoslle o azúcre e a canela, e a comelas!!

Unha exposición percorrerá a Feira do Viño do Ribeiro dende 1964

O Concello de Ribadavia propuxo unha nova actividade encamiñada a celebrar os 50 anos da Feira do Viño do Ribeiro. Trátase dunha exposición que ofrece ao visitante un percorrido polas diferentes edicións da feira dende a primeira celebración, no ano 1964, ata a número 50 e que se poderá visitar entre os días 3, 4 e 5 de maio, coincidindo coa celebración.

I feira ribeiro 1964O material para elaborar a exposición procede dos fondos dispoñibles no Museo Etnolóxico de Ribadavia, que será a entidade que coordine a edición.

Está estruturada en once paneis, un adicado especificamente á primeira celebración da Feira do Viño e os dez restantes agrupan as edicións en períodos de cinco anos. Cada panel inclúe imaxes, documentos, programas, artigos de prensa, ademais de textos explicativos do quinquenio correspondente. Estará accesible para o público no patio do Museo Etnolóxico de Ribadavia. Ademais estudarase a posibilidade de ofertala a outras entidades que puidesen estar interesadas na súa exhibición tanto a nivel provincial como autonómico.

Fonte: Voz de Galicia