La Voz? no no! As voces de Os da Ría en “Íntimos”

O Café Cultural Auriense e Os da Ría organizan para a noite deste venres 27 de setembro, o concerto máis trangalleiro, dende o territorio do absurdo, da crítica máis ácida e da parodia da vida social, cultural e política do país, nun espectáculo ao que o público nunca é indiferente. Será ás 21.30 horas no senlleiro café situado na Praza do Correxidor.

osdaria+intimos+aurienseE quen mellor para presentarvos o concerto que Tomás Lijó e Carlos Meixide!:

Sempre é un góstele grandeiro volvedelar as terras de as Búrgolas, e é en aisí que enquereimos compartilladelar con o noso púbrico ourensán unha xonrada úñeca, íntima e sobranceira, para que coaseque nos podaimos tocadelar, bicadelar e nos funtarmonosnos cremita. Este vénroles, edeseguro que vai ser ben gorencioso, non falteindes!”

E agora, con toda esta información… aínda non mercastedes a entrada?

Reservas: Café Cultural Auriense

As mociñas xeitosas sempre se fixeron agardar!

E así Porta da Raíña, unha edición limitada de treixadura criada nas súas lías, á que valoramos como a nosa pequena xoia, segue descansando tranquila no acubillo que a adega lle ofrece agardando a chegada do seu gran día de presentación na sociedade.

acubillo porta da raiñaDunhas cepas coidadas con agarimo e con rigor, atendendo sempre ó medio que nos rodea e as fases lunares que tanto inflúen nos estados fenolóxicos da vide,  tal e como nos ensinaron os nosos antergos; nace unha uva treixadura con potente acidez, aroma e azúcre que maceramos durante o seu prensado e que logo de fermentar a temperaturas baixas, deixamos criar atentamente xunto cunha chisca das súas propias levaduras ás que hoxe denominamos lías; a isto segueo un período duns meses de repouso na botella donde a forza da xuventude se covirte en complexidade e madurez.

Achégase pois o momento tan agardado de abandoar a adolescencia de cara a idade adulta desta colleita 2012 de Porta da Raíña que verá a luz en breve!

Podedes ir reservando algunha botelliña premendo neste enlace ou contactando coa adega aquí.

Ribeiros do Miño: unha ruta polos viños de autor de tres adegas singulares

O Ribeiro, a denominación de orixe máis antiga de Galicia, situada na zona occidental da provincia ourensá e rodeada de exuberante vexetación formada por carballos, castiñeiros e piñeirais, inmensos pazos, pontes romanas, igrexas, capelas románicas, centos de hórreos e cruceiros que saen ao encontro do viaxeiro. Ese é o comezo da historia de hoxe e o punto de partida para chegar a Castrelo de Miño, cuna de tres senlleiras adegas que forman parte da Ruta do Viño do Ribeiro.

Adega María do Pilar

Adega María do Pilar é unha adega de colleiteiro situada en Casardeita, unha pequena aldea encravada na zona alta do concello de Castrelo de Miño, corazón da Denominación de Orixe Ribeiro. Un encantador lugar donde está arraigada a adega, as viñas e a nosa familia dende fai moitas xeracións.

Fundada en 1959 polo noso antepasado Manuel Vázquez López “O Deputado” logo de voltar de Vigo coa súa dona e súa filla, deixando atrás unha casa de comidas que rexentaba no Barrio da Pedra. Manuel apostaba así polo rexurdir de algo no que cría con firmeza, O Ribeiro.

A seguinte xeración decidimos continuar o traballo que el comezara e así recentemente en 2003, a súa filla, María do Pilar, remodela a adega dotándoa de toda a tecnoloxía necesaria para elaborar uns viños que estiveran á altura do que hoxe o consumidor esixía.

Dende os nosos comenzos cremos na calidade das variedades autóctonas e no coidado tradicional das viñas, por iso traballamos diariamente as nosas fincas coa única intención de ofrecerlles moito máis que un viño, elaborando con agarimo estes Ribeiros exquisitos.

Desfruten con nós de sensacións novas!

Adega Pousadoiro

En Barral, moi cerca do Miño, case tocando as súas augas atópase a Adega Pousadoiro. A historia desta adega xa ven de incontables xeracións aínda que modernamente hai 25 anos plántase unha viña nova con variedades autóctonas. Xa máis recemente modernízanse as instalacións.

Nesta aposta decidida de adaptación ás novas tendencias do mercado do viño, recoñecemos que a imaxe é un factor inseparable. Por eso fixéronse novas instalacións, nunha casona labrega tradicional, pertencente aos antepasados da familia, co senso de poder amosar os viñedos e a adega aos clientes. Este proxecto nace tamén para establecer no Ribeiro unha ruta turística polas adegas tradicionais, cunha clara distinción cara aos viños de autor.

Fermosa adega de colleiteiro na que toda a súa producción provén das propias viñas, o que lle confire ó viño unha personalidade única.

Adega Eduardo Peña

No lugar de Barral, fronte ó Miño e o seu Clube Nautico destaca a nova Adega Eduardo Peña, inquedo e coñecido empresario da hostelería e gran amante e promotor de jazz. A partir da terraza case transparente de vertixe, obsérvase unha paisaxe espectacular.

A adega integrada na paisaxe xurde na procura de aire a través dunha cheminea vertical, unha corrente de aire continua e graduable á vountade, a través de condutos baixo o terreo, que evita o uso de medios mecánicos e mantén unhas condicións óptimas para a elaboración do viño. Coa conseguinte optimización enerxética. É un achegamento ao xeito tradicional de construir a adega. A solución proposta baease na idea de ocultar no posible a peza onde se elaboran os caldos mediante a súa incorporación ao terreo aproveitando o desnivel da viña. Este feito ten a cualidade de preservar a peza dos cambios de temperatura exterior. O ambiente enterrado permanece a temperatura constante de 14º e 15º en inverno e verán respectivamente.

Este feito, xunto coa calidade e modernidade dos seus viños Eduardo Pena e María Andrea, con só uns poucos anos de vida, conseguiron converterse nunha referencia de alta calidade, facendo desta adega unha paraada obrigatoria.