Por qué comemos uvas en noitevella?

A prensa de 1907 queixábase de que esta tradición importada pola aristocracia francesa e alemana acabara arraigándose tanto na sociedade e nas clases máis baixas que anos antes comezaran a burlarse dela acudindo comer as uvas á Porta do Sol.

uvanoitevellaPois disque todo comezou alá polo 1882 cando o alcalde de Madrid prohibiu sair a noite de Reis, unha noite de festa donde se permitía case de todo, impoñendo unha multa de cinco pesetas a quen o fixera.

Naquel tempo a burguesía adoptara o costume galo de celebrar a cea de Noitevella comendo uvas e bebendo champaña, entón, o pobo madrileño a modo de queixa acudiu á Porta do Sol para tomar as uvas ao son das badaladas ríndose así daquel costume tan “chic” das clases acomodadas.

Anos despois, en 1909, os agricultores levantinos de Alicante tiveron moi boas colleitas e adicaron o excedente de uva a promocionar e popularizar o costume, convertendoo na tradición que chega hoxe ata nós!

Así que xa sabedes porqué comemos as uvas de Alicante e porqué brindamos con viños espumosos, pero por iso non deixedes de facelo! que tradición ou non, é ben bonito cear cos teus seres queridos e recibir o ano novo con bicos, abrazos e un brindis! Saúde 😉

SENLLEIRO2014

Desexos de felicidade para disfrutar destas Senlleiras festas!

Un ano máis dende Adega María do Pilar queremos desexarche un feliz nadal e un próspero ano novo, e que recibas estas senlleiras datas con toda a saúde do mundo para poderes disfrutar ao cen por cen da boa compañía que ben seguro che ofrecerán familia e amigos.

E que mellor maneira de felicitarte que recordando a colaboración cos rapaces tan trangalleiros e bulideiros de Os da Ría! Estes mozos conseguiron que este 2013 fose un gran ano grazas ao humor e ao empeño que lle poñen a todo o que fan. Esa maneira de facer as cousas ten que ser o camiño que deberiamos seguir para acadar as nosas metas!

Dende o interior do noso corazón envíoche os máis agarimosos desexos de paz e felicidade para que disfrutes destas senlleiras datas! Bo nadal!!

PostalSenlleiro2014-2

VII Curso Cata de viños: Ribeiros do Avia e Ribeiros do Miño

O Centro UNED de Ourense organiza os días 10,11,12, 17 e 18 de decembro en Ribadavia un curso de 10 horas de Cata de Viños: Ribeiros do Avia – Ribeiros do Miño, en horario de 19,00 a 21,00 horas. Será impartido por Xosé Manuel Martínez Juste, presidente da Asociación Galega de Enólogos e o seu prezo será de 35 euros por participante, cun máximo de 25 prazas.

Trátase da séptima edición deste curso, que se impartirá nas instalacións do Club Artístico de Ribadavia. Os responsables da UNED sinalan como obxectivos ‘aprender de viños, a técnica de cata coas súas diferentes fases: visual, olfativa e gustativa; como se fai o viño; tipos e maridaxes’. O curso de iniciación á cata está orientado a aprendizaxe dos principios básicos da mesma para entender de viños de forma práctica e entretida.

vii curso de cataPrograma:
– Martes 10 de decembro
O Ribeiro no contexto histórico. Chan, climatoloxía e variedades.
– Mércores 11 de decembro
Características dos viños da ribeira do Miño.
– Xoves 12 de decembro
Características dos viños da ribeira do Avia.
– Martes 17 de decembro
Cata comparativa das duas subzonas
– Mércores 18 de decembro
Visita e cata de vinos en adegas das duas subzonas.

Ántes de proceder á matrícula, consulta no teléfono 988-371444 a dispoñibilidade das 25 prazas ofrecidas.
Descarga o Pdf: Curso Cata de Viños: Ribeiros do Avia e Ribeiros do Miño