Volve a Festa da Rosquilla das Bouzas!

Hoxe celebramos os 100 primeiros artigos deste blog! E dende a Adega queremos facelo acompañados dos nosos amigos e veciños da aldea das Bouzas que este fin de semana celebran a XII Festa da Rosquilla. Verdade que é a maneira máis doce e alegre de festexar calquer cousa?! 🙂

Programación da Festa de San Antón

O sábado día 26 iníciase ás 11.00 horas con pasarúas a cargo da charanga Sorcha de Ribadavia, que amenizará a sesión vermú e acompañará ás 12.30 a procesión e misa solemne.

Xa pola noite, ás 21.00 horas, haberá cea popular con “Fabas e Lacón cocido”, e degustación de rosquillas das Bouzas. A noite estará amenizada pola orquesta Elite, e a charanga Sorcha. Tamén actuará o grupo de rap 96ers.

O domingo 27 haberá procesión e misa solemne ás 13.00 horas, e sesión vermú ás 14.00 e VIII Comida do Pobo, amenizada polo Trío Musical Eilat.

“Obradoiros de Creatividade Enogastronómica” en Abril e Maio!

Hoxe queremos darlle difusión a uns eventos tan chulos como son os “Obradoiros de Harmonía e Creatividade Enogastronómica” que organiza a Asociación Ruta do Viño do Ribeiro para os días 23 e 24 de abril e 21 e 22 de Maio nun lugar tan fermoso como o Pazo O Carballo en San Paio, Ribadavia.

Para impartir os obradoiros contaremos coa participación de Angel Ríos Quintela, Xefe de Cociña do Restaurante Pepe Vieira (Estrella Michelín) e Pablo Vidal, Director Técnico do CRDO Ribeiro. Comentarvos tamén nun dos obradoiros contaremos coa colaboración de Nacho Costoya, un dos sumiller máis galardoados de España.

O obxectivo é ofrecer ferramentas para crear pratos sinxelos con produtos de calidade diferenciada de Galicia cun toque de creatividade. Preténdese a participación activa dos asistentes no seu desenvolvemento, os cales, unha vez elaborado cada prato prodecerán á degustalo harmonizandoo con viños das adegas adheridas á Ruta do Viño do Ribeiro.

Prazo de matrícula:
Do 7 ao 21 abril, para os obradoiros de abril.
Do 7 de abril ao 19 de maio, para os obradoiros de maio.

Máis información e descargas:
Asociación Ruta do Viño do Ribeiro
Tríptico Creatividade Enogastronómica

Viño e gastronomía, da mán na 51 Feira do Viño

A gastronomía terá un peso importante dentro da 51 edición da Feira do Viño do Ribeiro, que se celebrará en Ribadavia os días 2,3 e 4 de maio. Un día logo da inauguración da Feira comezarán as sesións de showcooking, con talleres de cociña, cun concurso das escolas de hostelería de Galicia utilizando os viños do Ribeiro, ademais de cociña infantil e ata de repostería creativa.

O “Cociñeiro do Ano en Galicia” Diego López ofrecerá un showcooking o día 3 de maio pola tarde.

PROGRAMA ACTIVIDADES ENOGASTRONÓMICAS
“SHOWCOOKING 51ª FEIRA DO VIÑO DO RIBEIRO”
Lugar: Aula Actividades – Showcooking no recinto da feira.

Sábado, día 3 de maio
13.00 h Conferencia inaugural e Presentación Xornada Portas Abertas nas Rutas dos Viños de Galicia

13.15 h Taller de cociña “Creatividade con viños de Ribeiro”*
Imparte: Rafael Centeno, cociñeiro do Restaurante Maruja-Limón (Vigo), Grupo Nove (Estrela Michelín)

17.00 h Concurso Escolas Hostelería de Galicia “Cociñar con viño de Ribeiro”
Participación dos representantes das tres Escolas de Hostelería finalistas do concurso.

20.00 h Taller de cociña “Clasicismo e Evolución no Ribeiro”*
Imparte: Diego López, cociñeiro do Restaurante A Molinera (Lalín), Premio “Cociñeiro do Ano de Galicia 2014”, no Fórum Gastronómico A Coruña 2014.

Domingo, día 4 de maio
12.30 h Blog-Cooking “Sabores e aromas do viño de Ribeiro”.
Participación de 3 bloggers gastronómicos que elaborarán, en directo, tres pratos, cun ingrediente común: o viño do Ribeiro.

17.00 h Taller de cociña infantil: “Repostería Creativa”
Imparte: Paula Ruiz Igrexas, responsable de Lambonarte.

19.00 h Entrega dos premios da Cata Popular da Feira do Viño do Ribeiro.
Presentación do resultado do concurso da Cata Popular da Feira do Viño do Ribeiro.

*Estas actividades serán de pago:
Persoas desempleadas: 2 € (presentar tarxeta demandante emprego)
Público en xeral: 4€
Compra de entradas:
– Días previos: Oficina de Turismo de Ribadavia (Tlf. 988471275)
– Días Feira: No recinto, stand tickets.

Aforo limitado.