Samaín: A lenda da cabaza

Chega o outono. Tempo de castañas, noces, vento, follas secas e días escuros. É o tempo de recoller o millo e as cabazas. É tamén o tempo en que a rapazada fai as caveiras na cortiza das cabazas, seguindo unha antiga tradición dos tempos dos celtas.

image

A noite do 31 de outubro comezaba o aninovo celta, como aínda se celebra na illa de Man.

Os celtas, antigos habitantes de terras galegas, tiñan un grande respecto polos mortos. Ao chegar os días escuros do outono celebraban a chegada do ano novo e a súa festa na honra dos defuntos.

No Samaín, un dos seus costumes era poñer unha candea acesa dentro das caveiras dos inimigos mortos para que, ao escentilar pola noite, puxera medo no corazón da xente.

Xa hai moitos séculos que tal tradición se perdeu, máis hoxe en día aínda fica o costume de tallar caveiras na cortiza das cabazas e alumealas cunha candea no seu interior.

Co tempo, o cristianismo designaría o primeiro de novembro como día de Todos os Santos, e no século XII, ao día seguinte como día de Defuntos.

Fonte: IES Santa María do Mar

A dieta atlántica, unha opción moi saudable

A tradición, a historia e a riqueza gastronómica autóctona das rexións europeas bañadas polo Atlántico derivaron nesta dieta tan propia de Galicia. O concepto de dieta atlántica non engloba só un tipo de dieta no sentido estrito da inxesta de nutrintes, senón unha forma de alimentación común caracterizada polo pracer da comida compartida e as preparacións culinarias sinxelas, con grandes beneficios para a nosa saúde.

A dieta atlántica caracterízase polo abundante consumo de peixe e de alimentos vexetais como cereais, patacas e legumes.

A dieta atlántica caracterízase polo abundante consumo de peixe e de alimentos vexetais como cereais, patacas e legumes.

Galicia é unha das principais embaixadoras da dieta atlántica. As rexións do Arco Atlántico, aínda que poden presentar modelos alimentarios distintos, teñen en común dispoñer dunha amplia variedade de alimentos de gran calidade tanto da horta como do mar. A súa tradición e cultura gastronómicas derivaron nun padrón de alimentación similar ao da dieta mediterránea pero cunha serie de particularidades autóctonas. Sabes cales son as súas características?

– Abundancia de alimentos de tempada, locais, frescos e pouco procesados.

– Abundancia de alimentos procedentes de vexetais: verduras e hortalizas, froitas, cereais , patacas, castañas, noces e leguminosas.

– Abundante consumo de peixe e marisco frescos, conxelados ou en conserva.

– Consumo de leite e derivados lácteos, en especial queixos.

– Consumo de carne de porco, vacún, caza e aves.

– Consumo de viño, normalmente coas comidas, sempre en cantidades moderadas.

– Uso de aceite de oliva para aliñado e cociñado.

– Preparación culinaria preferente: cocción, guisado e brasa.

Máis info: Fundación Dieta Atlántica

6 factores influintes na calidade do viño

Hoxe querémosche explicar como o viño, unha bebida obtida a partir do mosto da uva, nos permite aos productores elaborar caldos con características tan diferentes partindo dunha mesma variedade. Un dos puntos clave polo que o facemos é polas tradicións enolóxicas da nosa zona, polos gustos que os consumidores demandades de certos tipos de viño ou mesmamente polo noso propio gusto á hora de producilos.

ribeiro

Polo xeral existen 6 factores que influen no estilo final dun viño:

1. A variedade da uva: Existen máis de 3.000 variedades da pranta vitis vinifera que se utilizan e serven para producir viño en todo o mundo, isto dá un gran e amplo abanico de posibilidades e producións de distintos tipos de viños, cavas ou Chapagnes.
2. O Clima: é un factor determinante no ciclo vexetativo da pranta, dende o repouso vexetativo, ata a maduración e a caída da folla, sendo este factor dos máis importantes para ter unha vendima de calidade que marcará a súa excelencia. Non é o mesmo o clima húmido e frío do norte de Centroeuropa que o seco do norte de Africa.
3. As choivas e as temperaturas son claves e as zonas con temperatuas inestables, poden significar danos importantes no viñedo. Por dar algúns exemplos, nos anos 1984 e 1985, o norte de Francia rexistrouse temperaturas moi baixas que destruíron moitos viñedos. En 1992, o verán en Burdeos foi moi abundante en choivas e con moi poucas horas de sol e traduciuse en viños de carácter acedo e sen corpo pola falta dunha correcta maduración da uva.
4. Os distintos tipos de chans, son claves e moi importantes, a vide é unha das prantas que progresan alí onde ningún outro cultivo pode facelo, os chans pódense clasificar por dous tipos, os chans pobres, que dan baixos rendementos pero viños de calidade e os chans ricos, que os seus rendementos son altos para viños de calidade.
5. Viticultura ou método para cultivar que utiliza cada productor de viño durante todo o ano, onde podemos atoparnos con métodos tradicionais, ecolóxicos, biodinámicos ou combinados.
6. Vinificación ou forma de transformar as uvas en viño, habendo cada vez máis distintos tipos, dende o pisado de uva tradicional, aos distintos procesos de estrujado, despalillado ou prensado que utilice cada productor.

Como ves, hai moitos factores que marcan a personalidade dun viño, e dende as adegas temos que xogar con todos eles para lograr elaborar unha bebida que estea á altura do que ti como consumidor nos requires. Agardámos telo conseguido! Saúde! 😉