Rexurde a Asociación de Colleiteiros Embotelladores do Ribeiro cunha vocación internacional

image

A Asociación presentouse ao público no Nautico de Castrelo, á beira do río Miño

Organizar e participar en accións promocionais para fomentar a imaxe do colleteiro, dando a coñecer a calidade e personalidade propia dos seus viños, e asegurar o relevo xeracional nesta profesión no Ribeiro.

Estes son os obxectivos principais cos que vén de relanzarse a Asociación de Colleiteiros Embotelladores do Ribeiro, cuxas orixes se remontan a 1998, cando nacía como entidade sen ánimo de lucro. Sen embargo, o “proxecto inicial foise diluíndo co paso dos anos ata que a principios de 2015 decidiuse relanzar a asociación, culminando este proceso este mes de xuño coa elección dunha nova xunta directiva”.

O novo equipo directivo destaca pola súa xuventude, cunha media de idade de 32 anos, e deste xeito reflíctese a “esa aposta polo relevo xeracional dos colleteiros”. O seu presidente é Brais Iglesias (Bodegas Val do Souto), de 28 anos; o seu videpresidente, Manuel Formigo ten 35 anos; mentres que o secretario, Alejandro Montero (Bodegas Antonio Montero), ten 23; o tesoureiro Alfredo Fernández (Adega Pousadoiro), 49, e o vogal Mauro Estévez, 25.

Entre os seus socios, esta entidade inclúe, segundo explican, “a dúas xeracións: aos colleteiros máis maiores, que aportan a súa ampla experiencia e sabio consello, xunto a unha nova xeración que na súa maioría ten estudos universitarios” e que “quere explorar novos horizontes, buscar novos mercados onde dar a coñecer a figura do colleiteiro e a rexión do Ribeiro”.

Dende esta asociación tamén se agradece a colaboración neste proxecto do Concello de Castrelo de Miño, que lle cedeu de forma gratuíta unha oficina, ademais de pór á súa disposición “unha sala de xuntas e unha zona de exposicións”.

O Nautico de Castrelo comeza unha nova etapa!

Dende hoxe, 28 de marzo, estarán en funcionamiento, e completamente renovadas, as instalacións de servizos do Parque Náutico de Castrelo de Miño. Cafetería, restaurante, viñoteca, sala de reunións e eventos e unha variada oferta de actividades para poñer en valor o enorme potencial do “mar interior” do Ribeiro.

O pase de diapositivas require JavaScript.

Un deseño moderno e funcional, produtos de calidade e un trato agradable serán as señas de identidade deste novo espazo ao servizo de veciños e visitantes. Si precisas organizar un evento, un xantar de empresa, unha celebración familiar ou descubrir a riqueza vitícola do Ribeiro acabas de atopar o lugar axeitado.

Sigue ao Parque Nautico en: Facebook, Twitter, Web

Galicia brila con 37 Soles Repsol, 3 deles para Pepe Solla

A Guía Repsol 2015 concedeu ao restaurante de Pepe Solla, Casa Solla, en Poio (Pontevedra), o seu terceiro Sol Repsol e 25 establecementos galegos máis foron galardoados con este distintivo, dous máis que na edición 2014. Casa Solla convértese, así mesmo, no restaurante máis galardoado en Galicia se temos en conta as Estrelas Michelin que mantén dende o ano 1980, ininterrompidamente.

Casa Solla é o primeiro restaurante galego en conseguir 3 Soles Repsol.

Casa Solla é o primeiro restaurante galego en conseguir 3 Soles Repsol.

Esta edición a prestixiosa publicación outorgou dous Soles Repsol a nove restaurantes galegos. Manteñen a súa puntuación Culler de Pau, D’Berto, Galileo e Pepe Vieira. Únense ó grupo como novidade Acio, Alborada, Maruja Limón, Retiro da Costiña e Yayo Daporta.

16 restaurantes galegos máis foron recoñecidos con un Sol Repsol, que lles confire a distinción de cociña de gran calidade e variedade suficiente. Estes restaurantes son, un ano máis, A Taberna, As Garzas, Casa Bóveda, Casa Marcelo, Dos Reis, El Refugio, España, La Taberna de Rotilio, Nito, Pablo Gallego, Pulpeira de Melide, Silabario e Toñi Vicente. Entran nesta lista por primeira vez A Estación, A Gabeira e Árbore da Veira.

O Grupo Alborada Hostelería, de orixe coruñés e ó que pertence o restaurante Alborada, acada tamén un Sol Repsol no seu novo establecemento en Madrid, Alabaster. Esta etapa de recoñecementos coinciden coa incorporación en abril de Iván Domínguez como director gastronómico…

Lee o resto da noticia en Benbo.eu