Comeza o ano do xeito máis doce!

Queremos que entres con bo pé neste 2014! E que mellor maneira de conseguilo que compartindo contigo tres receitas de doces do máis golosos? Ensina a túa vea reposteira no día de Reis escollendo entre esta selección de sobremesas que publicamos con anterioridade no blog, son do máis sinxelas de elaborar!

Mira a receita da Rosca facendo click na imaxe.

Mira a receita dos Exipcios facendo click na imaxe.

Mira a receita das Torradas facendo click na imaxe.

E se queres compartir ou imprimir as receitas non dubides en descargalas no noso: Receitario

 

Empanada de castañas, cogumelos e chourizo para San Martiño

A receita de hoxe vai adicada aos Erasmus, universitarios, e estudantes en xeral. Se queres sorprender ós amigos neste día festivo de magosto cun menú “tipical Galician” de elaboración moi sinxela, ingredientes moi comúns e de temporada, aquí vas atopar todo o que necesitas para conseguilo.

Perfecto prato para acompañar cunha copiña de viño tinto, que como xa che contamos é un magnífico antioxidante, e bo axudante contra a depresión. Recorda que os cogumelos débelos mercar sempre envasados e etiquetados, ou no caso de ser silvestres, recollidos por xente preparada, coñecedora das especies micolóxicas evitando así calquera tipo de intoxicación.

empanada castañasIngredientes (para 4 persoas)
2 paquetes de 275g. de masa follada fresca
Papel vexetal para forno
300 g. de cogumelos (cogordos, boletus, champiñóns…)
100 g. de castañas
2 chourizos de carne
2 dentes de allo
1 cebola
1 pemento morrón
Néveda ou anís
Azafrán
Pemento picante
Fariña de trigo
Aceite de oliva
Sal

Elaboración
Comezamos cortando a cebola en xuliana, o allo menudiño, e os cogumelos e o pemento morrón en tiras. Salteámos todo nunha tixola cun chorriño de aceite e reservamos. Mentras estea morno engadimos o azafrán e o pemento picante (así evitamos que se queimen) ó gusto e remexemos para que se mezcle ben.
Por outra banda, para cocer as castañas mediamos un cazo con auga aromatizada cunhas follas de néveda ou uns grans de anís e un chisquiño de sal. Cando rematen de cocer, aproximadamente 60 minutos despois de levantar fervura, quitamos a casca con coidado de non rompelas, e engadímolas á tixola mezclando cunha culler de pau o que vai ser o recheo da empanada.
Agora é momento de estirar a masa, e para iso “salpicamos” o mesado cunha chisca de fariña para que non se nos pegue a masa e axudámonos dun rolo para estirala un chisco.
O seguinte paso é colocar a primeira capa de masa, que será a base da empanada, sobre un papel vexetal para forno. Cubrimos a masa follada repartindo uniformemente o recheo e colocamos a outra capa por enriba. Enrolamos as beiras para rematar de pechala, facéndolle así os ricos corroscos, abrimos un buraquiño no medio e untamos a tapa cunha chisca de aceite de oliva.
Por último prequentamos o forno a 200º e metemos a empanada a 180º con calor por enrriba e por debaixo durante 15 ou 20 minutos, segundo a queirades máis ou menos churruscadiña.
Sacamos e servimos.

Descarga a receita en .pdf no noso: Receitario

Mexillóns con chourizo

Para a receita da Despensa desta semana vamos botar man dun libro moi xeitoso publicado non fai moito mediante o proxecto Equal Avia Crea Futuro. Unha publicación coa que se pretende transmitir as receitas máis coñecidas da nosa gastronomía e unha ferramenta de traballo para todos os restaurantes e establecementos gastronómicos da comarca. Falamos do receitario “Cociña tradicional do Ribeiro”.

Usamos o mexillón galego como ingrediente principal da receita de hoxe para ensalzar un producto tan natural e saludable cun suxerente e delicioso sabor. Ricos en proteínas, debido ó seu elevado contido en glucosaminas resulta de especial utilidade nos procesos articulares como a reuma, a artritis e a artrosis. Contén moito omega-3 que axudan a controlar os niveis de colesterol en sangue. Ricos en vitaminas do grupo B, que permiten combatir estados de fatiga, sendo ademáis un alimento interesante para nenos e deportistas. Ricos en minerais (entre os que destacan o calcio, o iodo, o ferro, o potasio e o magnesio). O seu elevado aporte de ferro fainos moi adecuado para persoas con anemia ferropénica. O iodo, por otro lado, prevén o hipotiroidismo.

mexillons con chourizoIngredientes (para catro persoas)

2000 g. de mexillóns
Unhas follas de loureiro
Un chorriño de aceite de oliva
Unha chisca de sal
1 cebola
1 allo porro
2 chourizos de carne
1/2 litro de nata
1 vaso de viño branco do Ribeiro

Elaboración

Nunha tarteira cun pouco de auga no fondo e unhas follas de loureiro cócense os mexillóns co fin de que abran axiña co vapor. Por outra banda, refogamos a cebola e o allo porro que previamente teremos cortado en xuliana. Cortamos os chourizos finos e engadimolos á tixola sen que se faga demasiado. Engadimos o vaso de viño branco e deixamos reducir.
A continuación, mesturamos os mexillóns con este preparado, e por último engadimos a nata ata que ferva.
Presentamos nunha fonte cos mexillóns ó redor, a cebola, o porro e o chourizo no medio, e co prebe regamos todo no seu conxunto.

Curiosidade

Para os profános na miticultura tedes que saber que os primeiros intentos de cultivar mexillóns en Galicia non se producen ata principios do século XX, cando se comprobou que os mexillóns que se fixaban nos paus empregados para secar as redes medraban máis e máis pronto que aqueles que crecían nas rochas. Esta observación levou á instalación de empalizadas próximas á beira do mar, cravadas na area, para que se fixase naturalmente a semente de mexillón. Este sistema importado dende Francia deu paso á utilización dunhas boias das que se colgaban as cordas, logo a caixóns, despois barcos vellos que non servían para a pesca, e por último os artefactos flotantes construídos especificamente con este fin, as actuais bateas.

Enlace a Receitas en .pdf