Remata outra senlleira edición da Feira do Viño do Ribeiro, e xa van 50!

Estamos xa coa conta atrás, a xente comeza a mirar os reloxos e preguntarnos “canto falta para que pechedes?”, e nós, logo de tres días cunha climatoloxía formidable e orguiosos de homenaxear un ano máis ó Ribeiro e os seus viños, vémonos na obriga de contestarlles “pois en nada, dentro dun anaco xa pechamos”. E así, case sen darnos de conta remata outra edición máis da Feira do Viño, unha edición senlleira na que poidemos desfrutar de exposicións, mostras de artesanía, talleres de cociña da man dun galego tan internacional como Pepe Solla, cociñeiro membro do grupo nove que conta cunha estrela michelin, e Benigno Campos que nos volveu ensinar os trucos da cociña tradicional, ademáis de concunsos de cociña coas mellores escolas de hostalaría galegas, e como non… viño, moito viño e moi bo.

O pase de diapositivas require JavaScript.

Agora, a sabendas de que as despedidas son moi tristeiras, o mellor que podemos facer é convidarvos a que volvades o ano que ven!! Agardamosvos 😉

Presentación da 50ª Feira do Viño do Ribeiro no Marco, Museo de Arte Contemporáneo de Vigo

As entidades organizadoras da Feira do Viño do Ribeiro elixiron a Cidade de Vigo para facer a presentación da 50ª Edición deste evento de exaltación do viño do Ribeiro. No Museo de Arte Contemporáneo congregáronse Marcos Blanco Jorge, alcalde de Ribadavia, Miguel Angel Viso Diéguez, presidente do Consello Regulador da D.O Ribeiro, Benigno Campos, representante dos cociñeiros participantes, e Abel Caballero, alcalde de Vigo, para presentar o programa de actividades que se desenvolverán os días 3, 4 e 5 de maio.

Na súa intervención o cociñeiro Benigno Campos declarouse gran defensor do Ribeiro ao que definiu como “estandarte dos viños de Galicia”. No seu obradoiro de cociña tradicional elaborará unha receta con Viño Tostado do Ribeiro, un viño cuxa elaboración está a ser recuperada entre os adegueiros do Ribeiro.

Pola súa banda o presidente do Consello Regulador da D.O. Ribeiro, Miguel Ángel Viso, referiuse á tradicional cata popular e presentou, como novidade para esta edición, o Concurso “Cociñar con Ribeiro”, onde participaron as Escolas de Hostalería de Galicia con diferentes pratos cociñados con viño Ribeiro. As receitas gañadoras serán presentadas na carpa interactiva da Feria do Viño do Ribeiro o sábado día 4 de maio, a partires das 16.00 horas.

O alcalde de Ribadavia, Marcos Blanco, destacou que a organización aposta pola calidade centrada na exaltación do gran protagonista, que é o viño do Ribeiro. Con este obxectivo foi deseñado o programa de actividades que inclúen propostas enoturísticas, como o “Tren dos Viñedos”, ou as enogastronómicas, onde cociñeiros de relevancia, como Pepe Solla desenvolverán obradoiros de harmonía entre alta cociña e viño do Ribeiro.

A cultura tamén ten o seu espazo, sendo Ribadavia berce de ilustres gaiteiros, non podiamos deixar de propoñer a celebración da III Xuntanza Provincial de Gaitas.
“Viño, cultura, tradición e futuro é o que ofrece esta 50ª Edición da Feira do Viño do Ribeiro”, sinala o alcalde ribadaviense.

Abel Caballero, alcalde da cidade de Vigo, fixo especial mención á relación desta cidade e co viño do Ribeiro “definíndoo como parte intrínseca desta cidade”. Destacou a relevancia do Ribeiro a nivel galego, “gastronomía galega e viño do Ribeiro son parte da mesma estirpe, son indisolubles”.

Fonte: Ribeiro.es

Naquela Feira do Viño de 2010 tivemos Senlleiras visitas…

Si señor, como nos gusta facer memoria! E debe ser por iso de que cando te pós a tomar unha copa de viño, e emprendes carreta cos amigos, véñenche a memoria bos recordos e anécdotas daquí e dacolá. Como aquela Feira do Viño do Ribeiro do ano 2010, da que Camila Bossa era a senlleira pregoeira e na que nos agasallou cunha agarimosa dedicatoria da que hoxe vos ofrecemos as imaxes. E como olvidarnos do gran Benigno Campos! que veu tomarse uns viños canda nós logo de que uns días atrás levara para maridar coas súas saborosas receitas o noso viño Rechamante no programa Larpeiros.

Que isto valga de saúdo e ademáis de pequeno homenaxe! 😉