Comeza “Sabores de Outono 2012”

A mellor opción para ir de pinchos por Ourense!

Comeza a nova edición do Concuso de pinchos “Sabores de Outono”, que se celebrará na cidade dende luns, 19 de novembro, e ata o día 2 de decembro e que ten coma obxectivo convidar aos veciños e veciñas da cidade a descubrir e saborear a mellor gastronomía da cidade que arrisca e sorprende en pequenos bocados.

Esta edición, con 53 establecementos participantes (41 concursarán na dinámica de pinchos de Outono e otros 17 propoñen un menú específico con motivo do concurso), fronte aos 26 da edición anterior e que a converten na máis participativa e poñen en valor a importancia e calidade gastronómica de Ourense. Espetadas, tostas, filloas, risottos, montadiños, petiscos, caprichos, delicias e bocados de toda clase son os suxerentes nomes e presentacións coa que os establecementos nomean as súas creacións para esta nova edición do Concurso de Pinchos de Outono.
Como xa é traicional os establecementos participan coa elaboración e presentación única dun pincho, e o único requisito esixido é que na sua creación conteñan castañas ou cogumelos, productos representativos da gastronomía local nesta tempada. Ao remate da 5ª edición, o 2 de decembro, terá lugar a lectura do fallo do xurado e farase entrega dos premios.
Haberá 3 categorías: xurado, prensa e popular. Os outorgados polo xurado especializado, composto por 5 membros, personalidades recoñecidas no sector gastronómico, valorarán os pinchos e menús mási senlleiros e de maior calidade gastronómica. Outro dos premios será outorgado polos medios de comunicación que o escollerán tras unha degustación e o terceiro, e último, será o tradicional premio popular ao que están chamados a participar tódolos ourensáns.

Tenreira galega con boletus

Posto que estamos en plena época de recollida de cogumelos, que mellor cousa vos podemos propoñer que unha receita elaborada con eles de base? Nesta receita o hongo en cuestión é a Andoa (boletus edulis), unha das máis apreciadas polo seu sabor e textura e moi abundante en zonas de castiñeiros e carballos.

TENREIRA CON BOLETUS

 Ingredientes para catro persoas:

800 gr. de carne de tenreira
60 gr. de boletus
1 cebola
1 dente de allo
1 copa de viño branco
2 galletas María
12 amendoas tostadas
Prixel
Caldo de carne
Aceite de oliva
Pementa negra
Canela
Sal

 

Preparación:

Primeiro introduzimos os boletus a hidratar con auga e deixámolos unha hora.
Cortamos a carne en bistecs pequenos, pasámolos por fariña e dourámolos nunha cazola con aceite de oliva. Reservámolos nun prato con papel absorvente.
Sacamos as impurezas do aceite e facemos un sofrito coa cebola picada. Unha vez estexa dourada engadimos a carne, botamos unha copiña de viño branco e deixamos que reduza.
Regámolo cun par de cucharóns de caldo de carne e deixámolo cocer a fogo lento unha hora. Engadimos un pouco de pementa negra e unha pizca de canela.
Mentras, nunha sarten cun pouco de aceite salteamos os boletus que colamos previamente. Aproveitamos tamén a auga para engadir na cazola.
Cando a carne estexa tenra engadimos os boletus e remexemos.
Finalmente engadimos unha picada feita cun dente de allo, prixel e duas galletas María.
Rectificamos de sal e voilà! Listo para servir!

Comentario:

Este prato é unha especie de fricandó sen tomate. A canela apórtalle un aroma interesante pero temos que ser prudentes á hora de botala. O boletus é un cogumelo moi aromático e cando a hidratamos deixa moita sustancia na auga, por iso a aproveitamos engadindoa á cazola.
Podedes facer este prato con boletus frescos, conxelados ou con calquer outro tipo de cogumelos, pero iso sí, se non son mercados nun lugar de confianza acudide a asociacións especializadas con xente coñecedora dos hongos para cerciorarvos que son comestibles.
Moi recomendable un bo viño tinto como acompañamento.

(Video receita Hotel Augusta Sanxenxo)