É San Martiño, chegou o magosto!!

Castañas, chourizos e viño tinto… iso é o primeiro que nos ven á cabeza a ourensáns e galegos en xeral nestes días de principios de novembro! Feliz San Martiño, e feliz magosto!!

porta_da_rainha2

Oes! e postos a facer churrasco… probaches o ben que marida o noso viño Porta da Raíña, elaborado 100% con uva treixadura, cunha boa parrillada aromatizada con tomillo e orégano?!

Un gusto para os sentidos 😉

Advertisements

“Armonías do Ribeiro” no show cooking do Ponte Vella

O martes 26 de novembro o afamado cociñeiro Diego López, xefe de cociña do restaurante La Molinera de Lalín, realizará diferentes pinchos que armonizarán cos caldos da D.O. Ribeiro, cunha cata dirixida polo director técnico do Consello Regulador Pablo Vidal.

diego lópezO lúns 25 comeza unha nova edición das VI Xornadas Gastronómicas Ponte Vella, desta volta co xoven cociñeiro de prestixio nacional Diego López, preparando en directo platos e receitas con productos típicos do noso entorno como a castaña e os viños do Ribeiro, Ribeira Sacra e Valdeorras.

As xornadas celébranse na planta baixa do centro comercial e desenrrólanse ata o xoves 28 de novembro, nun horario de 6 a 8 da tarde. As persoas que desexen participar poden inscribirse no Punto de Información do Ponte Vella ou ben no número 988510232.

Programación:

VI xornadas gastronomicas– Lúns 25: “Cociñar con castañas”; presentación das xornadas e cociña creativa con viños da Ribeira Sacra.

– Martes 26: “Armonías do Ribeiro”; Diego López realizará receitas para armonizar cos viños do Ribeiro.

– Mércores 27: cociña creativa e presentación dos viños do Ribeiro da Adega A Portela de Beade.

– Xoves 28: “Armonías de Valdeorras”; Diego López armonizará desta volta receitas con caldos de Valdeorras.

Empanada de castañas, cogumelos e chourizo para San Martiño

A receita de hoxe vai adicada aos Erasmus, universitarios, e estudantes en xeral. Se queres sorprender ós amigos neste día festivo de magosto cun menú “tipical Galician” de elaboración moi sinxela, ingredientes moi comúns e de temporada, aquí vas atopar todo o que necesitas para conseguilo.

Perfecto prato para acompañar cunha copiña de viño tinto, que como xa che contamos é un magnífico antioxidante, e bo axudante contra a depresión. Recorda que os cogumelos débelos mercar sempre envasados e etiquetados, ou no caso de ser silvestres, recollidos por xente preparada, coñecedora das especies micolóxicas evitando así calquera tipo de intoxicación.

empanada castañasIngredientes (para 4 persoas)
2 paquetes de 275g. de masa follada fresca
Papel vexetal para forno
300 g. de cogumelos (cogordos, boletus, champiñóns…)
100 g. de castañas
2 chourizos de carne
2 dentes de allo
1 cebola
1 pemento morrón
Néveda ou anís
Azafrán
Pemento picante
Fariña de trigo
Aceite de oliva
Sal

Elaboración
Comezamos cortando a cebola en xuliana, o allo menudiño, e os cogumelos e o pemento morrón en tiras. Salteámos todo nunha tixola cun chorriño de aceite e reservamos. Mentras estea morno engadimos o azafrán e o pemento picante (así evitamos que se queimen) ó gusto e remexemos para que se mezcle ben.
Por outra banda, para cocer as castañas mediamos un cazo con auga aromatizada cunhas follas de néveda ou uns grans de anís e un chisquiño de sal. Cando rematen de cocer, aproximadamente 60 minutos despois de levantar fervura, quitamos a casca con coidado de non rompelas, e engadímolas á tixola mezclando cunha culler de pau o que vai ser o recheo da empanada.
Agora é momento de estirar a masa, e para iso “salpicamos” o mesado cunha chisca de fariña para que non se nos pegue a masa e axudámonos dun rolo para estirala un chisco.
O seguinte paso é colocar a primeira capa de masa, que será a base da empanada, sobre un papel vexetal para forno. Cubrimos a masa follada repartindo uniformemente o recheo e colocamos a outra capa por enriba. Enrolamos as beiras para rematar de pechala, facéndolle así os ricos corroscos, abrimos un buraquiño no medio e untamos a tapa cunha chisca de aceite de oliva.
Por último prequentamos o forno a 200º e metemos a empanada a 180º con calor por enrriba e por debaixo durante 15 ou 20 minutos, segundo a queirades máis ou menos churruscadiña.
Sacamos e servimos.

Descarga a receita en .pdf no noso: Receitario