O recinto da Feira do Viño deste ano colga o cartel de “Completo”

Desta volta, antes de que concluíse o prazo, 21 colleiteiros e 8 adegas completaron o cupo de expositores da 51 edición da Feira do Viño do Ribeiro, que se celebrará en Ribadavia entre o 2 e o 4 de maio.

A cita levantou bastante expectación, e mesmo dende o Concello, en calidade de organizadores da feira en colaboración co Consello Regulador do Ribeiro, se amosou a súa “satisfacción co proceso, xa que este ano as adegas e colleiteiros participantes realizaron a inscrición con antelación ao remate do prazo, motivadas polo seu interese en formar parte dun evento gastronómico que cada ano que pasa está a ter máis importancia e prestixio a nivel nacional”.

As adegas, colleiteiros e organizadores seguimos a traballar na planificación deste evento que congregará a milleiros de #winelovers na capital comarcal en menos de dous meses.

Agardámoste alí!

Fontes: Benbo.eu, Ribeiro Dixital, La Voz de Galicia

III Ranking independente de viños de menos de 10 €

(3er) ranking vinos

Un ano máis Mileurismo Gourmet volve convocar o Ranking independente de viños 10 € na súa 3ª edición.

Hoxe, 1 de Decembro, en Pontevedra, un xurado especializado composto por adegueiros, enólogos, prensa especializada, importadores e afeccionados será o encargado de decidir cales dos viños presentados (mais de 300 referencias na edición de 2011) son merecedores de ser considerados os mellores por debaixo dos 10 € de prezo de venda ao público.

Dous seguen sendo os obxectivos principais desta cita. Por un lado dar a coñecer e difundir viños de excelente relación calidade prezo e accesibles ao público en xeral. Por outra, apoiar e fomentar o traballo daqueles produtores, pequenos e grandes, que conseguen elaborar viños de calidade, honestos e a prezos competitivos.

Pontevedra converterase na capital  do viño para todos. O equipo de Vinoteca Bagos, un dos mellores espazos dedicados ao viño no país que, ademais, inaugurara novo local no centro neurálxico da cidade, será o encargado de dispoñer a loxística necesaria para a realización da cata.

Pero tamén haberá novidades. A máis importante, este ano o Ranking ábrese ao público, e tras a deliberación, concretamente o próximo 15 de decembro, con ocasión da entrega de galardóns, terá lugar unha cea maridada cos viños vencedores á que todos os pontevedreses, e aqueles que queiran desprazarse poderán acudir logo de reserva. Unha ocasión xenial para intercambiar impresións entre consumidores, afeccionados, bodegueiros premiados e organizadores do Ranking.

Para elixir o foro de tal evento escolleuse o Hotel Room, un atrevido e espectacular espazo cuxo proxecto, comprometido coa vangarda Hoteleira e Culinaria de Pontevedra, non deixará indiferente a ninguén.

A edición de 2011 contou coa participación de máis de trescentas marcas vindas de cincuenta denominacións de orixe de España, Portugal, Francia, Italia e Arxentina. Este ano espérase unha elevada participación de viños fundamentalmente nacionais de gran calidade que farán moi difícil o traballo do xurado.

Fonte: Galicia Confidencial
Descargas: Dossier Ranking 2012

Como se cata un viño?

Para catar un viño e percibir todas as súas características é necesario agudizar tres sentidos: a vista, o olfato e o gusto. A cata non é un privilexio de uns poucos, calquer “profano” pode adquirir unhas nocións básicas e aprender algúns trucos para diferenciar uns viños de outros. Propoñémosche unha maneira sinxela de iniciarte na cata, tan só realizándote a ti mesmo algunhas preguntas.

1. Vista

– Canta cor?: A cor do viño indicanos a súa estructura, a idade e a crianza.
– Canta capa?: Se un viño é moi opaco a súa estructura será máis carnosa. Fixándonos no ribete (a parte do líquido que toca co cristal) definiremos a cor e a tonalidade. No caso dun tinto, se ten tonos violaceos diranos que é a cor pura da uva, se o ribete é cor tella diranos que é un efecto da oxidación durante o envellecemento, facendonos saber que é un viño de crianza.

 

2. Olfato

A copa parada:
– Intensidade do olor, moita, media ou pouca?: A intensidade do aroma do viño proporciona informacións sobre a variedade da uva, o sistema de elaboración ou crianza (un viño xoven ten aromas máis intensos que un viño con crianza o cal os ten máis complexos), a calidade da elaboración, a idade do viño ou a súa evolución.
– Hai algún aroma dominante?: Aromas primarios ou varietais (aromas frutais), son os propios aromas da uva. Os secundarios proveñen da fermentación alcólica e maloláctica. Por último os aromas terciarios ou bouquet (vainilla, café, coiro, etc), son aqueles adquiridos durante a crianza, tanto en barrica como en botella; estes soen ser de oxidación, reducción ou ambos á vez.
Ó axitar a copa:
– Persiste o mesmo aroma ou cambia? Ó xirar a copar para que o viño desprenda mellor os aromas descubriremos o seu nivel de complexidade.
Debemos cheirar o viño antes de bebelo, máis que nada para saber se está en bo ou mal estado, se estivo ben conservado, se ten o odiosos olor a corcho (unha bacteria que entra no corcho antes de embotellar o viño e que o estropea completamente), ou no caso de ter un olor de reducción (olor a pechado) o teremos que decantar para que se airee.

3. Gusto

– Primeira impresión, como entra?: Na boca, aparte do sabor do viño, valoramos tamén a súa untuosidade, textura, frescura, alcol, etc. As nosas papilas gustativas poden captar catro sabores básicos: dulces, ácidos, amargos e salgados. O grado de dulzor depende moito do tipo de uva e da rexión donde se produciu. A acidez asociase a sensación de frescura do viño, é máis común nas zonas donde hai menos horas de luz. O amargo do viño ven dos taninos, que dan sensación de sequidade, pero se están equilibrados aportan estructura e equilibrio. E por último o sabor salgado non se pode atopar nun viño, salvo no caso da manzanilla.
Postgusto:
– Intensidade e duración, quédase ou non se queda?: O mellor da cata é a sensación global que nos deixa o viño, que moitas veces continúa e alargase no tempo. É o que se chama recordo, é decir, a persistencia das sensacións que nos deixou na boca e no naríz despois de tomalo.

Como última recomendación, só decirvos que a cata en adega é unha experiencia inolvidable que non podedes perdervos pola cantidade de matices que aporta, ademáis de ter a información de primeira mán daquelas persoas que elaboraron os viños que vaiades a degustar.

Agora, propóñovos un brindis.