Inícianse os preparativos da 51 Feira do Viño do Ribeiro

Está aberto o prazo para inscribirse na Feira do Viño do Ribeiro deste ano ata o 5 de marzo, que alcanzará a 51 edición. Organizadores, adegueiros e colleiteiros xa celebraron unha primeira reunión de aproximación a este certame feiral, que pretende ser este ano referente das actividades enogastronómicas e da cultura do viño.

A 51 edición da Feira do Viño do Ribeiro, incidirá no apoio e implicación do sector vitivinícola da bisbarra, coa pretensión de que o certame feiral se consolide máis como referente de actividades enogastronómicas e da cultura do viño. Os adegueiros, pola súa banda, insisten en que é preciso reforzar a Feira con máis actividade paralela, de modo que, ao tempo que dinamice o certame durante os días que dura, atraia a máis público a Ribadavia.

Son dúas das conclusións obtidas na primeira reunión que os organizadores do certame feiral, co Concello de Ribadavia e o Conselo Regulador da D.O. á cabeza, celebraron para ir preparando esta nova edición. As datas deste 2014 serán as dos días 2, 3 e 4 do mes de maio, sen cambio de situación: o recinto da Alameda da capital do Ribeiro.

No transcurso desta primeira reunión, os organizadores xa avanzaron algunhas das actividades coas que contará esta nova edición, o que trasladaron xa a adegas e colleiteiros da bisbarra, así como algunhas que outras novidades.

Xa quedou aberto o prazo de inscrición para participar nesta nova edición feiral ata o próximo día 5 de marzo no Concello de Ribadavia. Así como tamén xa están publicadas as Bases para o Concurso de Carteis da 51ª Feira do Viño do Ribeiro 2014 que podedes consultar aquí: info@ribeiro.es

Descargas: Ribeiro.es
Fonte: Ribeiro Dixital

Ribeiros do Miño: unha ruta polos viños de autor de tres adegas singulares

O Ribeiro, a denominación de orixe máis antiga de Galicia, situada na zona occidental da provincia ourensá e rodeada de exuberante vexetación formada por carballos, castiñeiros e piñeirais, inmensos pazos, pontes romanas, igrexas, capelas románicas, centos de hórreos e cruceiros que saen ao encontro do viaxeiro. Ese é o comezo da historia de hoxe e o punto de partida para chegar a Castrelo de Miño, cuna de tres senlleiras adegas que forman parte da Ruta do Viño do Ribeiro.

Adega María do Pilar

Adega María do Pilar é unha adega de colleiteiro situada en Casardeita, unha pequena aldea encravada na zona alta do concello de Castrelo de Miño, corazón da Denominación de Orixe Ribeiro. Un encantador lugar donde está arraigada a adega, as viñas e a nosa familia dende fai moitas xeracións.

Fundada en 1959 polo noso antepasado Manuel Vázquez López “O Deputado” logo de voltar de Vigo coa súa dona e súa filla, deixando atrás unha casa de comidas que rexentaba no Barrio da Pedra. Manuel apostaba así polo rexurdir de algo no que cría con firmeza, O Ribeiro.

A seguinte xeración decidimos continuar o traballo que el comezara e así recentemente en 2003, a súa filla, María do Pilar, remodela a adega dotándoa de toda a tecnoloxía necesaria para elaborar uns viños que estiveran á altura do que hoxe o consumidor esixía.

Dende os nosos comenzos cremos na calidade das variedades autóctonas e no coidado tradicional das viñas, por iso traballamos diariamente as nosas fincas coa única intención de ofrecerlles moito máis que un viño, elaborando con agarimo estes Ribeiros exquisitos.

Desfruten con nós de sensacións novas!

Adega Pousadoiro

En Barral, moi cerca do Miño, case tocando as súas augas atópase a Adega Pousadoiro. A historia desta adega xa ven de incontables xeracións aínda que modernamente hai 25 anos plántase unha viña nova con variedades autóctonas. Xa máis recemente modernízanse as instalacións.

Nesta aposta decidida de adaptación ás novas tendencias do mercado do viño, recoñecemos que a imaxe é un factor inseparable. Por eso fixéronse novas instalacións, nunha casona labrega tradicional, pertencente aos antepasados da familia, co senso de poder amosar os viñedos e a adega aos clientes. Este proxecto nace tamén para establecer no Ribeiro unha ruta turística polas adegas tradicionais, cunha clara distinción cara aos viños de autor.

Fermosa adega de colleiteiro na que toda a súa producción provén das propias viñas, o que lle confire ó viño unha personalidade única.

Adega Eduardo Peña

No lugar de Barral, fronte ó Miño e o seu Clube Nautico destaca a nova Adega Eduardo Peña, inquedo e coñecido empresario da hostelería e gran amante e promotor de jazz. A partir da terraza case transparente de vertixe, obsérvase unha paisaxe espectacular.

A adega integrada na paisaxe xurde na procura de aire a través dunha cheminea vertical, unha corrente de aire continua e graduable á vountade, a través de condutos baixo o terreo, que evita o uso de medios mecánicos e mantén unhas condicións óptimas para a elaboración do viño. Coa conseguinte optimización enerxética. É un achegamento ao xeito tradicional de construir a adega. A solución proposta baease na idea de ocultar no posible a peza onde se elaboran os caldos mediante a súa incorporación ao terreo aproveitando o desnivel da viña. Este feito ten a cualidade de preservar a peza dos cambios de temperatura exterior. O ambiente enterrado permanece a temperatura constante de 14º e 15º en inverno e verán respectivamente.

Este feito, xunto coa calidade e modernidade dos seus viños Eduardo Pena e María Andrea, con só uns poucos anos de vida, conseguiron converterse nunha referencia de alta calidade, facendo desta adega unha paraada obrigatoria.

Premios D.O. Ribeiro 2013

Una ampla representación do sector do viño e a gastronomía en España está convidada a participar neste acto no que se darán a coñecer os viños gañadores da Cata Oficial da D.O. Ribeiro, ademais de adicar un recoñecemento a profesionais e traxectorias destacadas no mundo da comunicación e a hostalería.

premiosDOribeiro2013O vindeiro mércores 19 de xuño ás 12.30 horas no Mosteiro de San Clodio (Leiro) a Denominación de Orixe Ribeiro celebra o seu gran evento anual. Máis dun centenar de profesionais están invitados a participar nesta cita, que reunirá ao sector produtivo do Ribeiro con personaxes destacados do panorama gastronómico, da hostalería e da comunicación en España.

Na gala, concederanse os premios da Cata Oficial da D.O. Ribeiro nas súas diferentes categorías: Mellor Viño Branco Adega, Mellor Viño Branco Colleiteiro e Mellor Viño Tinto. Ademais as adegas da D.O. brindarán a súa particular homenaxe a aqueles que están contribuíndo á profesionalización e difusión do mundo do viño, pois son elas mediante un sistema de votación quen decidirán os gañadores dos premios nas modalidades: Mellor Tarefa de Comunicación, Mellor Tenda Especializada, Mellor Servizo de Viño no Restaurante e Mellor Taberna-Bar de Viños; así como o “Persoeiro de Honra 2013” distinción coa que se recoñece unha traxectoria a favor da Denominación de Orixe Ribeiro. Tamén se entregará o premio á escola gañadora do concurso promovido entre as escolas IES de Hostalería “Cociñar con Ribeiro”, celebrado no contexto da Feira do Viño e no que se impuxo o IES de Foz.

Son moitas as caras coñecidas que participarán activamente nesta cerimonia que este ano celebra a súa segunda edición e que incluirá sorpresas como a presentación da imaxe e do novo vídeo promocional da D.O. Ribeiro. Trala gala concederase un cóctel no que colaboran o Mosteiro de San Clodio e o cociñeiro Pepe Solla, que intentará trasladar a tódolos asistentes un menú gastronómico inspirado nas elaboracións máis características dos viños do Ribeiro.

Como reforzo a unha intensa convocatoria e para favorecer a difusión dos premios, o Consello Regulador acolle ademais desde o luns 17 a visita dun grupo de xornalistas e bloggers, que durante os días previos á gala farán un percorrido polas adegas da D.O. Ribeiro visitando ademais os principais enclaves e participando nas actividades enoturísticas de referencia na comarca.

ALGÚNS DATOS DA CATA OFICIAL

A Cata Oficial da D.O. Ribeiro está aberta á participación dos viños brancos da colleita 2012 e viños tintos das colleitas 2011-2012, todos eles de variedades preferentes, elaborados polas adegas inscritas na D.O. Ribeiro. Na actual edición participan un total de 35 mostras, 25 viños brancos e 10 viños tintos, que son xulgadas en cata a cegas por un panel de expertos.

A pasada semana celebrouse na sede do Consello Regulador a precata, na que se clasificaron 6 viños por categoría a concurso. O vindeiro martes 18 de xuño celebrarase a cata final, esta vez con mostras de mercado. Os resultados faranse públicos no transcurso da gala, o mércores 19 de xuño.

Fonte: Ribeiro.es