Galicia brila con 37 Soles Repsol, 3 deles para Pepe Solla

A Guía Repsol 2015 concedeu ao restaurante de Pepe Solla, Casa Solla, en Poio (Pontevedra), o seu terceiro Sol Repsol e 25 establecementos galegos máis foron galardoados con este distintivo, dous máis que na edición 2014. Casa Solla convértese, así mesmo, no restaurante máis galardoado en Galicia se temos en conta as Estrelas Michelin que mantén dende o ano 1980, ininterrompidamente.

Casa Solla é o primeiro restaurante galego en conseguir 3 Soles Repsol.

Casa Solla é o primeiro restaurante galego en conseguir 3 Soles Repsol.

Esta edición a prestixiosa publicación outorgou dous Soles Repsol a nove restaurantes galegos. Manteñen a súa puntuación Culler de Pau, D’Berto, Galileo e Pepe Vieira. Únense ó grupo como novidade Acio, Alborada, Maruja Limón, Retiro da Costiña e Yayo Daporta.

16 restaurantes galegos máis foron recoñecidos con un Sol Repsol, que lles confire a distinción de cociña de gran calidade e variedade suficiente. Estes restaurantes son, un ano máis, A Taberna, As Garzas, Casa Bóveda, Casa Marcelo, Dos Reis, El Refugio, España, La Taberna de Rotilio, Nito, Pablo Gallego, Pulpeira de Melide, Silabario e Toñi Vicente. Entran nesta lista por primeira vez A Estación, A Gabeira e Árbore da Veira.

O Grupo Alborada Hostelería, de orixe coruñés e ó que pertence o restaurante Alborada, acada tamén un Sol Repsol no seu novo establecemento en Madrid, Alabaster. Esta etapa de recoñecementos coinciden coa incorporación en abril de Iván Domínguez como director gastronómico…

Lee o resto da noticia en Benbo.eu

“Obradoiros de Creatividade Enogastronómica” en Abril e Maio!

Hoxe queremos darlle difusión a uns eventos tan chulos como son os “Obradoiros de Harmonía e Creatividade Enogastronómica” que organiza a Asociación Ruta do Viño do Ribeiro para os días 23 e 24 de abril e 21 e 22 de Maio nun lugar tan fermoso como o Pazo O Carballo en San Paio, Ribadavia.

Para impartir os obradoiros contaremos coa participación de Angel Ríos Quintela, Xefe de Cociña do Restaurante Pepe Vieira (Estrella Michelín) e Pablo Vidal, Director Técnico do CRDO Ribeiro. Comentarvos tamén nun dos obradoiros contaremos coa colaboración de Nacho Costoya, un dos sumiller máis galardoados de España.

O obxectivo é ofrecer ferramentas para crear pratos sinxelos con produtos de calidade diferenciada de Galicia cun toque de creatividade. Preténdese a participación activa dos asistentes no seu desenvolvemento, os cales, unha vez elaborado cada prato prodecerán á degustalo harmonizandoo con viños das adegas adheridas á Ruta do Viño do Ribeiro.

Prazo de matrícula:
Do 7 ao 21 abril, para os obradoiros de abril.
Do 7 de abril ao 19 de maio, para os obradoiros de maio.

Máis información e descargas:
Asociación Ruta do Viño do Ribeiro
Tríptico Creatividade Enogastronómica

Anguía, manxar do Miño

No corazón do Ribeiro, alí onde “o pai Miño” protagoniza a vida galega, naquel lugar onde a paisaxe se adorna de cultivos de vide que ocupan soleadas ladeiras, alí onde agora se levantan presas que embalsan a auga, a anguía foi unha abundante especie que en tempos antigos era un produto de subsistencia e que actualmente se converteu nun apreciado bocado para exquisitos padais.

anguiasA construción dos encoros no Miño a punto estivo de remataren coa especie, dadas as dificultades de remonte da anguía polas prefabricadas canles, onde a miúdo os exemplares morrían pola presión da auga ou por efecto das turbinas. Hoxe, conscientes da importancia da anguía, anualmente son rescatadas miles delas e axudada pola man do home a remontar os ríos galegos para que o seu ciclo vital poida seguir adiante. E así percorren -ao alcanzar a súa madureza- durante case un ano máis de 4.000 kms., chegando ao mar dos Argazos onde se aparean, desovan e morren. Afortunadamente, as pequenas crías emprenden a viaxe para regresaren ao río dende onde partiron as súas nais e continuar a deleitarnos.

Cóntanos D. José Cornide no seu “Ensayo de una historia de los peces” (1788) que “se serven as anguías frescas, fritas, guisadas e empanadas; pero cando son de proporcionado tamaño ásanse sobre as grellas, rebozadas en follas de loureiro ou parra, e aderezadas cun pouco de limón e pementa… “.

Cónstanos que en casas da zona aínda existe a tradición de degustalas cocidas ou en empanada, nós gozámolas sinxelamente fritidas: crocantes, substanciosas… Delicada carne de suave sabor, se tes a oportunidade non deixes de saborear este peixe con corpo de serpe, estou convencida de que te conquistará. Outro día falaremos da cría da anguía, a cotizada angula, pero esa é outra historia…

Publicado en: Benbo.eu por  Mercedes Blanco (La aprendiz de chef)