A dieta atlántica, unha opción moi saudable

A tradición, a historia e a riqueza gastronómica autóctona das rexións europeas bañadas polo Atlántico derivaron nesta dieta tan propia de Galicia. O concepto de dieta atlántica non engloba só un tipo de dieta no sentido estrito da inxesta de nutrintes, senón unha forma de alimentación común caracterizada polo pracer da comida compartida e as preparacións culinarias sinxelas, con grandes beneficios para a nosa saúde.

A dieta atlántica caracterízase polo abundante consumo de peixe e de alimentos vexetais como cereais, patacas e legumes.

A dieta atlántica caracterízase polo abundante consumo de peixe e de alimentos vexetais como cereais, patacas e legumes.

Galicia é unha das principais embaixadoras da dieta atlántica. As rexións do Arco Atlántico, aínda que poden presentar modelos alimentarios distintos, teñen en común dispoñer dunha amplia variedade de alimentos de gran calidade tanto da horta como do mar. A súa tradición e cultura gastronómicas derivaron nun padrón de alimentación similar ao da dieta mediterránea pero cunha serie de particularidades autóctonas. Sabes cales son as súas características?

– Abundancia de alimentos de tempada, locais, frescos e pouco procesados.

– Abundancia de alimentos procedentes de vexetais: verduras e hortalizas, froitas, cereais , patacas, castañas, noces e leguminosas.

– Abundante consumo de peixe e marisco frescos, conxelados ou en conserva.

– Consumo de leite e derivados lácteos, en especial queixos.

– Consumo de carne de porco, vacún, caza e aves.

– Consumo de viño, normalmente coas comidas, sempre en cantidades moderadas.

– Uso de aceite de oliva para aliñado e cociñado.

– Preparación culinaria preferente: cocción, guisado e brasa.

Máis info: Fundación Dieta Atlántica

Advertisements

Galicia brila con 37 Soles Repsol, 3 deles para Pepe Solla

A Guía Repsol 2015 concedeu ao restaurante de Pepe Solla, Casa Solla, en Poio (Pontevedra), o seu terceiro Sol Repsol e 25 establecementos galegos máis foron galardoados con este distintivo, dous máis que na edición 2014. Casa Solla convértese, así mesmo, no restaurante máis galardoado en Galicia se temos en conta as Estrelas Michelin que mantén dende o ano 1980, ininterrompidamente.

Casa Solla é o primeiro restaurante galego en conseguir 3 Soles Repsol.

Casa Solla é o primeiro restaurante galego en conseguir 3 Soles Repsol.

Esta edición a prestixiosa publicación outorgou dous Soles Repsol a nove restaurantes galegos. Manteñen a súa puntuación Culler de Pau, D’Berto, Galileo e Pepe Vieira. Únense ó grupo como novidade Acio, Alborada, Maruja Limón, Retiro da Costiña e Yayo Daporta.

16 restaurantes galegos máis foron recoñecidos con un Sol Repsol, que lles confire a distinción de cociña de gran calidade e variedade suficiente. Estes restaurantes son, un ano máis, A Taberna, As Garzas, Casa Bóveda, Casa Marcelo, Dos Reis, El Refugio, España, La Taberna de Rotilio, Nito, Pablo Gallego, Pulpeira de Melide, Silabario e Toñi Vicente. Entran nesta lista por primeira vez A Estación, A Gabeira e Árbore da Veira.

O Grupo Alborada Hostelería, de orixe coruñés e ó que pertence o restaurante Alborada, acada tamén un Sol Repsol no seu novo establecemento en Madrid, Alabaster. Esta etapa de recoñecementos coinciden coa incorporación en abril de Iván Domínguez como director gastronómico…

Lee o resto da noticia en Benbo.eu

Viño e gastronomía, da mán na 51 Feira do Viño

A gastronomía terá un peso importante dentro da 51 edición da Feira do Viño do Ribeiro, que se celebrará en Ribadavia os días 2,3 e 4 de maio. Un día logo da inauguración da Feira comezarán as sesións de showcooking, con talleres de cociña, cun concurso das escolas de hostelería de Galicia utilizando os viños do Ribeiro, ademais de cociña infantil e ata de repostería creativa.

O “Cociñeiro do Ano en Galicia” Diego López ofrecerá un showcooking o día 3 de maio pola tarde.

PROGRAMA ACTIVIDADES ENOGASTRONÓMICAS
“SHOWCOOKING 51ª FEIRA DO VIÑO DO RIBEIRO”
Lugar: Aula Actividades – Showcooking no recinto da feira.

Sábado, día 3 de maio
13.00 h Conferencia inaugural e Presentación Xornada Portas Abertas nas Rutas dos Viños de Galicia

13.15 h Taller de cociña “Creatividade con viños de Ribeiro”*
Imparte: Rafael Centeno, cociñeiro do Restaurante Maruja-Limón (Vigo), Grupo Nove (Estrela Michelín)

17.00 h Concurso Escolas Hostelería de Galicia “Cociñar con viño de Ribeiro”
Participación dos representantes das tres Escolas de Hostelería finalistas do concurso.

20.00 h Taller de cociña “Clasicismo e Evolución no Ribeiro”*
Imparte: Diego López, cociñeiro do Restaurante A Molinera (Lalín), Premio “Cociñeiro do Ano de Galicia 2014”, no Fórum Gastronómico A Coruña 2014.

Domingo, día 4 de maio
12.30 h Blog-Cooking “Sabores e aromas do viño de Ribeiro”.
Participación de 3 bloggers gastronómicos que elaborarán, en directo, tres pratos, cun ingrediente común: o viño do Ribeiro.

17.00 h Taller de cociña infantil: “Repostería Creativa”
Imparte: Paula Ruiz Igrexas, responsable de Lambonarte.

19.00 h Entrega dos premios da Cata Popular da Feira do Viño do Ribeiro.
Presentación do resultado do concurso da Cata Popular da Feira do Viño do Ribeiro.

*Estas actividades serán de pago:
Persoas desempleadas: 2 € (presentar tarxeta demandante emprego)
Público en xeral: 4€
Compra de entradas:
– Días previos: Oficina de Turismo de Ribadavia (Tlf. 988471275)
– Días Feira: No recinto, stand tickets.

Aforo limitado.