A madrugar, que estamos de vendima!

Outro ano máis aquí estamos vendimando como posesos, e é que hai que recoller as uviñas para poder facer ese Ribeiro tan senlleiro, que vos gusta tanto a todos! Cunha saúde estupenda dos racimos e unha climatoloxía tan boa… que máis podemos pedir?!

O pase de diapositivas require JavaScript.

Comezamos recollendo as uvas de treixadura, pois son as que mellor maduración acadaron e as que temos que tratar con máis agarimo para elaborar con elas a edición limitada de Porta da Raíña. Logo seguimos recolectando as uvas de Godello e Albariño, que certamente atopánse nun estado de acidez e azúcres moi adecuado, grazas ao que contamos con que o Senlleiro 2014 sexa moi equilibrado.

E rematamos a vendima un ano máis vendimando o tinto! Mencías, Brancellao e os últimos en chegar as nosas viñas, Sousón e Caíño, todos coa lixeira sobremaduración que todos os anos agardamos para conferirlle eses aromas de regaliz ao noso viño Rechamante, un tinto das montañas do Ribeiro!

As Letras Galegas 365 días ao ano!

Para nós, que levamos en activo 55 aniños como colleiteiros no Ribeiro, a denominación de orixe máis senlleira de Galicia, é un pracer celebrar as Letras Galegas cada día con todos vós. E facémolo con gusto, “porque me sae de dentro, alá do fondo” que decía Celso Emilio Ferreiro, usando con normalidade o noso idioma e presumindo del alá por donde vamos! 😉

Homenaxeado 2014

Xosé María Díaz Castro

Naceu na parroquia de Os Vilares no 1914 e desde aquela viviu ligado a esta paisaxe e contorno a carón da Serra de Montouto onde vai fenecendo a Terra Cha. Finou en Lugo o 2 de outubro de 1990

Ós 17 anos ingresou no Seminario de Mondoñedo e cando saíu en 1936, exerceu de profesor de Ensinanza Media en Vilagarcía de Arousa (Pontevedra). En 1948, tras licenciarse en Filosofía e Letras, trasladouse a Madrid, onde alternou a docencia coa traducción no Ministerio da Gobernación. Tamén traballou no Instituto de Cultura Hispánica e no Consello Superior Científico.

Obra

Díaz Castro publicou os seus primeiros versos “Lembranzas e sospiros” ós dezasete anos en El Progreso Villalbés o 6 de agosto de 1931. Logo saíron “Baix’o o calor”, “Lá vou, amor”,” As formigas”, “Era un contiño de fadas”, e posteriormente escribiu dous cadernos de poesía, tamén en galego, “Follas verdes” en 1934 e “Follas ô aire”. Tamén publicou poemas en “Vallibria”, “Mundo de Ahora” e “Perla del Calvario”. Foi premiado nos Xogos Florais de Betanzos do 46, polos tres sonetos “Nascida d’un soño”. Con todo, Díaz Castro está considerado autor dunha soa obra, o poemario “Nimbos”, editado por Galaxia en 1961, que tivo moita influencia nos poetas posteriores pola súa perfección, pola preocupación por Galicia e polos problemas básicos do ser humano, a vida, a morte e o tempo.

 

101 razóns para que veñas á Feira do Viño!

Parecía que non daba chegado o día… e xa estamos na LI Feira do Viño do Ribeiro! Ás sete da tarde inaugura esta edición como pregoeiro Ramón Villares, presidente do Consello da Cultura Galega e logo, a desfrutar do viño máis cantareiro e bailadeiro de Galicia en toda a súa plenitude!

Dámosche 101 razóns para non perder esta festa:

Tés que vir para coñecer ao Cociñeiro do Ano, para visitar o Castelo dos Sarmiento, para mercar dulces na Tafona da Herminia, por pasear polo Barrio Xudeu, por tomar café na Praza Maior, para ir ata as termas de Prexigueiro, para bañarte no Avia, para comer polbo con pan de Cea, para ver “Graffiti en vivo”, para ver a maxia do Mago Teto!, para ir en tren polos viñedos, para estar ao fresco na Alameda, para comer rosquillas das Bouzas, para ir ao Mercado, para bailar e cantar nos concertos, para coñecer a Rectoral de Santo André, para ver ximnasia rítmica, para ver aos meniños facendo doces, para atopar parella se tes sorte! jeje, e como non… para beber viño do Ribeiro!!

Quedas convidado! 😉