O recinto da Feira do Viño deste ano colga o cartel de “Completo”

Desta volta, antes de que concluíse o prazo, 21 colleiteiros e 8 adegas completaron o cupo de expositores da 51 edición da Feira do Viño do Ribeiro, que se celebrará en Ribadavia entre o 2 e o 4 de maio.

A cita levantou bastante expectación, e mesmo dende o Concello, en calidade de organizadores da feira en colaboración co Consello Regulador do Ribeiro, se amosou a súa “satisfacción co proceso, xa que este ano as adegas e colleiteiros participantes realizaron a inscrición con antelación ao remate do prazo, motivadas polo seu interese en formar parte dun evento gastronómico que cada ano que pasa está a ter máis importancia e prestixio a nivel nacional”.

As adegas, colleiteiros e organizadores seguimos a traballar na planificación deste evento que congregará a milleiros de #winelovers na capital comarcal en menos de dous meses.

Agardámoste alí!

Fontes: Benbo.eu, Ribeiro Dixital, La Voz de Galicia

A nosa aldea, viaxe ás raíces da Adega

Nunhas paraxes fermosas rodeadas por verdes bosques atópase Casardeita, unha pequena aldea enclavada na zona alta do concello de Castrelo de Miño, corazón da Denominación de Orixe Ribeiro. Casardeita, encantador lugar no que está arraigada a adega, as viñas e nosa familia dende fai moitas xeracións.

O pase de diapositivas require JavaScript.

Nosos viñedos están ubicados a unha altitude media de 400 m. sobre o nivel do mar, cunha horientación suroeste que garantiza o máximo aproveitamento dos raios solares. Estos terreos, adaptados pola mán do home en bancais e terrazas para o cultivo da vide, están formados por uns solos dunha profundidade media de entre 70 e 100 cm, fundamentalmente de orixe granítico con importante presenza de pedras e gravas que melloran a macroestructura do chan e a insolación dos acios.

Gozamos nesta zona dun ecoclima de transición oceánico-mediterráneo, favorecido polas barreiras naturais e a súa situación meridional en Galicia, que protexen o territorio de borrascas subatlánticas. Este é un peculiar clima, en certa medida húmido e de temperaturas amornadas, que permite que o froito das viñas madure, conservando os seus aromas e a súa acidez.

Máis sobre a Adega en: www.adegamariadopilar.com

Xa chegou o tempo da vendima!

Da gusto comezar a recoller a uva con este clima tan marabilloso que nos acompaña dende o día de San Froilán, non se trabucaban as prediccións do tempo que tanto consultavamos nestes días pasados! Éche ben certo, na viña como en todo, hai que saber agardar o momento preciso para cada cousa, non vos parece?

Nestas diapositivas podedes observar como vai o proceso, paso a paso, destes brancos colleita 2013 que comezamos a elaborar.

O pase de diapositivas require JavaScript.

Mira o albúm “Vendima 2013” tamén en Google+

Como vedes nesta semana a adega atópase mergullada de cheo na vendima, nestes primeiros días colleitando as uvas brancas de treixadura e albariño, para logo seguir co godello e rematar en vindeiras datas apañando as tintas mencía, brancellao e sousón. A ver se aguanta o bo tempo! jeje 😉